L’estiu en Occitània es marcat per tres eveniments. 1 - L’Universitat Occitana d’Estiu de Nimes (Gard) del 2 al 5 de julhet. A travèrs de presentacions, de taulas redondas e d'atalhièrs, aquesta UOE convida los participants a considerar l'occitanisme coma una ressorsa per ara e l'avenidor. Aquesta UOE es dobèrta a totes: cercaires, professionals, activistas, elegits, artistas. https://www.ieo30.org/universitat-occitana-d-estiu/
2 - L’Universitat Occitana d’Estiu de la Guépia Aquela universitat porgís un viatge de descobèrta al vilatge de Laguépia (Tarn e Garona), al pè de son castèl e al costat de son riu. L’Universitat de la Guépia es un luòc occitan e un temps per l'ensenhament, las activitats e l'estudi, mas tanben per de rescontres : Los estudiants dels corses pòdon parlar amb de locutors natius del vesinatge, e d'autors, d'intellectuals e d'artistas. https://www.lengaviva.com/novas/sample-page/?lang=fr
3 - L'Escòla Occitana d'Estiu (EOE) Es una manifestacion culturala occitana en immersion lingüistica d’una setmana que se realiza a travèrs de talhièrs, conferéncias, eveniments divèrses cada an a Vilanuèva d'Òut. Ongan se debanarà del 16 al 22 d’agost. Es un estagi d’aprendissatge, de perfeccionament e de practica de la lenga occitana dins 4 dialèctes per totes quin que siá lo nivèl.
A la fin de la vesprada, son prepausadas de conferéncias sus l’istòria, l’actualitat, la literatura. Per la serada, los estagiaris son convidats a descobrir la creacion artistica occitana a travèrs concèrt, balèti, teatre e contes. https://eoe-oc.org/language/oc/activitats/eoe-oc/?lang=oc
Bon estiu e bonas vacanças en occitan!
Lire la traduction
Jean-Pierre Hilaire - 06 76 47 32 12 - Jean-pierre.hilaire@wanadoo.fr
