Ongan, es lo 10en anniversari de la creacion del Reviscòl1 dont l'objectiu es de restaurar la Glèisa de Calhavet del sègle XII en roïnas dempuèi mai d'un sègle
Dempuèi 2023, cada annada a la debuta de l'estiu, un obrador de benevòls trabalha qualques jorns a la restauracion de la glèisa. Aquò a permés de tornar far las genovesas e de remontar lo cloquièr.
Aquela annada los joves venián de Madrid, d'Alsàcia, de Marselha, de Salon de Provença, d'Avairon, de París. An restaurat las parets de la sacrestia adorsada al còr.
L'objectiu per 2027 es la restauracion del còr de la glèisa e del pòrge de la dintrada.
De membres de l'associacion son los organizators e los encadrants dels benevòls joves,
Aquela glèisa desacralizada, pilhada, abandonada, serà salvada per la volontat d'una punhada de gents del país, la determinacion de l'associacion e aquel patrimòni serà transmés a las futuras generacions.
L'objectiu final es de restaurar completament la glèisa de Calhavet, per fin que torne venir un luòc de visita en ligason amb las autras glèisas clunisianas mas tanben d'afortir l'atractivitat toristica de la comuna de Frespuèg e del País de Serres gràcias a son patrimòni. La coeréncia entre la salvagarda del patrimòni, lo manten e lo desvolopament de la lenga e de la cultura occitana e l'economia locala.
Amb lo musèu del fetge gras de Solelhas e lo mercat païsan, ont l'occitan s'aficha, lo president del Reviscòl, Ives Boissièra, aplica l'eslogan : Viure e Trabalhar al País.
https://www.helloasso.com/associations/lo-reviscol
Lire la traduction
Jean-Pierre Hilaire - 06 76 47 32 12 - Jean-pierre.hilaire@wanadoo.fr
